Shillong, Nohprah 29
Ka Ministry of Textiles, Sorkar India ka la ai ïa ka Geographical Indication (GI) tag ne ka shap ïa ka jaiñ ryndia na ka Jylla Meghalaya kum ka wei na ka jingjop bad ka khana jop ha ka kam thaiñ ryndia ka ri India ha u snem 2025.
Ka jingpynbha ïa ka ‘Year of Textile Reforms’ ha kane ka samoi la sakhi ïa ka jingïar jong ka jingthaiñ ryndia bad ka kam thaiñ jaiñ hapoh ka ri India.
Ka ri India ka la bat biang ïa ka kyrdan kum kaba wan baar ha ka pyrthei ban pynmih ïa ka ryndia ryngkat bad ka jingkiew kaba biang bha. Ka jingpynmih ïa u ksai ryndia ka la kiew na ka 41,121 metric ton ha u snem 2024-25, ka jingkiew kaba 55 per cent na ka 26,480 metric ton ha u snem 2013-14. Ka jingpynmih ïa ka ryndia ka la nang kiew sha ka 16.75 per cent, ka jingkiew na ka 96 kg ha ka shi hektar sha ka 112 kg shi hektar ha katei kajuh ka samoi.
Ka dor jong u Mulberry cocoon me sop ñiang ryndia ka la kiew bha kaba la kiew sha ka 46 percent na ka T.384 shi kg ha u 2013-14 sha ka T. 560 shi kg ha u 2024-25.
Ka jingaikam aijam ha ka Sericulture Sector ka la ïar bha bad kiew da 23.95 per cent na ka 78 lak ngut ki briew ha u 2013-14 sha ka 98 lak ngut ki briew ha u snem 2024-25. Kane ka shnad ka la bteng ban leh ïa ka bynta kaba khraw ha ka ban pynneh pynsah ïa ka kamai kajih ha nongkyndong bad ban kyntiew ïa ka jingïashim bynta ki kynthei ha ka kamai kajih.
Ka jingïoh jingithuh GI ka Meghalaya’s Eri silk, Ryndia, ka la kylla long kum ka mawjam jong ka jingroi, kaba lam sha ka jingkiew ka ïoh kamai na ka bynta ki nongrep ïa u ñiang ryndia, ka lad aikam ha nongkyndong, ka kyntiew shuh shuh ka jingïashim bynta lang ki kynthei, ka jingleh kaba long thymmai katkum ka jingïoh ïa ka GI-based branding, bad ka jingkyntiew ïa ka jingpynmih ryndia kaba ïadei bad ka mariang bad kaba ïai neh.
Kane ka jingïoh jingithuh na ka Sorkar India ka pyni ïa ka jingshim ïa ka jingkitkhlieh ban ïada ïa ka kam pynmih ïa ki jaiñ tynrai bad ban pynkup bor ïa ka thaiñ nongkyndong bad ban pynkhlaiñ ïa ka ri India bad ha ka kyrdan ha ka pyrthei ha kaba ïadei bad ka karkhana pynmih jaiñ bad ryndia.
