Ka sngi Sunday ka long ka sngi shuti salonsar la jan baroh ki Ri ka pyrthei. Baroh ki jait niam khamtam ka niam khristan ka kheiñ kor bha ïa ka sngi Sunday. ïa ka Sunday la ñiew kum ka sngi Sabbaton ba la thoh ha ka Baibl. Hangne ha ri Jongngi leit kiba long khristan kim ju shah ban plie ïa ki dukan die jingdie ha ka sngi u Blei. Kane ka long ka rukom ngeit bad bud ïa ka jingpynbeit ryntih jong ka balang Khristan.
Ki balang khristan bapher bapher kiba don ha ri Khasi – Jaiñtia jongngi ki khang ban plie dukan bad die jingdie ha ka sngi U Blei. Kane ka paw shynna haba phi leit sha ki shnong ne jaka nongkyndong bad jaka sor ruh ki ia shong sngi baroh. Kane ka dei ka rukom ngeit jong ki nongbud ïa ka niam khristan.
Ha kane ka sngi ki bun tang kiba pynlong ki jingïaseng, ïa rwai bad duwai ïa u Blei ha ki ïingmane. Kane ka sngi ka long kaba kyrpang ha ki riewngeit khristan baroh.
Hynrei kiwei kiwei ki kynhun jait niam te ym tip ki shu ïa shong sngi ne ki leh aiu ha kane ka Sunday. Ka sngi Sunday kumba ka paw ka kylla long kum ka sngi leit peit nongpang ha ki Hospital, ka sngi leit kai ba haïing ha sem abd ka sngi leit ïa kynduh paralok parajor, namar ha ka sngi Sunday ka dei kata ka sngi shuti salonsar ïa baroh. Wat ki bym long niam ruh don ki bym plie dukan don kiba plie ruh ha kane ka sngi (Sunday).
C. B. Iawphniaw
