Ngi ki briew ngi lah ban don ha kino kino ki jait niam ba seng u briew ha kane ka pyrthei. Hynrei kumba ka paw ka niam kam ïarap ei ei ïa ngi ki briew ban lait na ka pop ne ka jingiap. Hooid watla ngi don ha ki balang bapher bapher hynrei ka bishni ka pihuiñ ka thok ka shukor ïa ki para briew kam ju duh. Ngi dang kynnoh bad phareb ïa ki para briew ba ki dei ki nongshohnoh bad ki nongai ksuid. Kumta ka jinglong niam kam lah ban pynduh ïa ki kam sniew kaba u briew u don ha ka dohnud. Ha ka jingiohi jongnga ka jingngeit niam ka ïalam bakla ïa ngi ba ngin ioh kata ka jingsuk bneng. Namar ym don ba ioh ïa kata ka bneng lait na ka pop. Ka pop ka la shong kulai ha ka dohnud jong ngi ki briew. Ka ktien u Blei (Baibl) ruh ka ong, ym don uba hok, em ym don uwei ruh, ym don uba shemphang ym don keiñ uba wad ïa u Blei (Rom 3 : 10 – 11). C. B. Iawphniaw
