Jowai, K’Lyngkot 04
Da ka jingthmu ban kyntiew ïa ka kam jngohkai pyrthei ha Rilum Jaiñtia, uwei u riew shemphang u la shna pynwandur ïa ka rel kaba nyngkong eh ha ka thaiñ khnang ba ki nongwan jngohkai kin ïoh lad ban shong pyngngad.
Ïa une u riew shemphang la tip kyrteng kum u Ma Martis Langwar na ka shnong Mukhap uba la shna pynwandur ïa ka rel kaba long shong briew kumba ar lai ngut ha ka jaka jngohkai pyrthei ba la tip kum ka Kupli Holiday Retreat ha Shnong Iawthymmei kaba hap hapoh Laskein C&RD Block, West Jaiñtia Hills District.
U Ma Langwar u long briew uba khlem leit pule satia ïa ka lain Engineer, hynrei da ka jingstad jong u hi, u la lah ban pynwandur ïa ka rel da kaba pyndonkam da ki tiar ki tar kiba suk ban ïoh ha ka Jylla Meghalaya.
La jer kyrteng ïa katei ka rel kum ka Nature Mini Trail Train bad ka bym donkam petrol ne diesel hynrei tang da ka bor gravity, bad la plie paidbah ïa ka ha ka 3 tarik Kyllalyngkot 2026.
U nongshna bad ki dkhot jong ka Society kila kyrpad ïa kiwei pat ban ym bud ne pyrthuh ïa kane ka jingshna khlem da ïoh bor na u Ma Martis Langwar namar kane kan pynkheiñ ïa ka Copy Right Act.
