Nongpoh, K’Lyngkot 05
Ka ‘Ri Sai’ ka jaka ïaid jaka ïeng kaba thymmai ha ka surok Guwahati-Shillong ha Nongpoh, ka la pyrshang ban long ka nuksa ba thymmai jong ka Highway Tourism ha ka thaiñ Shatei Lam Mihngi da kaba pynïasoh ïa ka Hospitality, ka bam, ki jaiñ tynrai bad ki kam kamai shnong ha kawei ka jaka.
Ka Ri Sai ka don hapdeng ka Guwahati bad Shillong, bad ka thong jong ka kam ka long ym tang ban long ka jaka sangeh paidbah hynrei ban kyntu ïa ki nongleit jingïaid ban sangeh, ban jingïasnoh bad ban mad ïa ki kolshor ba im jong ka Meghalaya.
Ha ka jingïoh bynta kaba kongsan jong ka Ri Sai ka don ka Integrated Textile & Tourism Centre (ITTC) kaba la seng da ka Tnad Textile jong ka Sorkar Meghalaya. Kane ka Centre ka thmu ban ïada bad ban kyntiew ïa ka Eri silk, ka jaiñ ba la ïoh GI tag, kaba long ka Fibre bym pynïap ïa u Silkworm bad kaba dei ka bynta tynrai jong ka Shatei Lam Mihngi, India.
Ki nongwan jngohkai ki lah ban sngewthuh ïa ka jingïaid lynti jong ka jingïa pynmih ïa ka Eri silk, naduh u raw fibre haduh ka jaiñ ba la dep shna, ryngkat bad ka jingtip shaphang ka jingïadei jong ka bad ka kolshor bad ka mariang. Ha ka por ba ka Eri silk ne ka Ahimsa silk ka dangpaw bha ha ka pyrthei, kane ka centre ka pynïasnoh ïa ka tourism bad ka jingïm kamai jong ki nongshna jaiñ, da kaba buh ïa ki jaiñ tynrai kum ka bynta jong ka jingïoh kamai ba mynta, ym tang kum ka jingpyni ha ki Museum.
Ka ITTC ka jingïarap ryngkat bad ka Emporium ba la pynkhreh bha, kaba die ïa ki mar tynrai bad GI-tag na Meghalaya, kum ki jain Eri silk, ki tiar shna na ka siej (bamboo), ka Larani pottery lane jaka shna khiew khyndew, u shynrai Lakadong bad ki tiar dieng ba la shna na ki shnong. Kane ka bynta die mar ka ai lad ïa ki nongpynmih na ki shnong bad ka ai lad ruh ïa ki nongwan jngohkai haba ïadei bad ki mar ba shisha jong ka thaiñ.
Ka Restaurant ha Ri Sai ka la shna kum ka jaka ba kyrpang hi, da kaba pynkylla ïa ka jingmut jong ka Highway Dining. Ym kum ki jaka bam surok ne jaka bam paidbah, kane ka ai ïa ka jaka ba jingïaplan bha bad ka jingïohi paidbah ïa ki lum shnong Nongpoh, da kaba ai lad ïa ki nongleit nongwan ban pynslem ïa ka por bad ban bam suk.
Ki nongwan jngoh kai ki lah ban mad ïa ki bam tynrai Meghalaya ryngkat bad ki bam India . Baroh ki bam la shet thymmai ha ka jaka, bad la shet ruh ha ka jaka ba khuid bad suba bad ki jaka shong shabar ba phai sha ka mariang. Da kaba pynïasoh ïa ka bam tynrai bad ka jingïaplan pyrkhat bha, kane ka Restaurant ka long kawei na ki khyndiat tylli ki jaka ba ha kane ka thaiñ kaba ai ïa ka jingïasuk, ka jingïadei bad ka jingsngewthuh ïa ka jaka.
Ka Ri Sai ka ai ruh ïa ka Ri Sai Cottage Stays, kaba kynthup ïa ki ïing basa ba don kawei bad ar kamra shong bad ki kamra kiba la shna ban ai jingïasuk bad jingïada ïa ki paidbah. Ki jaka sah ki don ïa ki Modern Amenities bad ki jaka shong shabar, bad ki dei kiba biang ïa ki longïing.
