Ka shithi u Paul u Apostol sha ki Hebru ka ong, ki niam ki rukom ka jingmane Blei ki long tang ki niam ki rukom ba kynja doh (Hebru 9 : 10). U Jisu ruh u pynrem ïa ki nongthoh bad ki pharisi. Ki nongthoh bad ki pha-risi ki shong ha ka jingshong U Moses. Namarkata ïa kiei kiei baroh katba kin ong ha phi ban sumar te phin sumar bad leh ruh, hynrei katba kum ki jingleh jong ki phi wat leh (Math 23 : 2-3).
Wat khot ruh u kpa jongphi ïano ïano ruh uba ha ka khyndew naba uwei u long u kpa jong phi uba ha bneng. Kordit ïa phi ki nongïalam balang ne ki pharisi kiba arsap naba phi ïaid sawdong ïa ki duriaw bad ryngkew ban leit pynkylla niam ïa ki briew te, haba ki la kylla phi pynlong ïa ki, ki khun ka dujok kaba ar shah ïa ki (Math 23 : 15). Ha ki jingïaseng ngi leit ban pynsngewbha ïa ki nongïalam niam, ym ïa u Blei. Namar ha ki jingïaseng ki mane thala ïa nga haba ki hikai ki jinghikai ïa ki hukum jong ki briew naba haba ki ïenoh ïa ki hukum u Blei. Ki bat skhem ïa ka rukom pateng la pateng ki briew (Markos 7 : 7). Ka jingïaseng ka long ka kam pynsngewbha ïa ki kpa balang, ym ïa u Blei. Namar shabar ka jingïaseng ngi leh shibun kiei kiei ki bym pynsngewbha ïa u Blei.
Namar ngi la bishni pihuiñ para briew bad ngi don ka jingsngewpher niam bad sngewhok ïa la ka jong ka kynhun balang. Namar ki kynhun balang bapher bapher ki don la ki jong ki aiñ balang ki hikai ha ki jingïaseng la ki jong ki kot aiñ kiba long ki jinghikai tynrai katkum ba la mynjur ka balang ym na u Blei.
C. B. Iawphniaw
