Moscow, Kyllayngkot:
Lai na ki saw tylli ki Kad Liengsuiñ jong ka Russia, ki la khang khyrdep ha ka Sngi U Blei, hadien ba ka Ukraine, ka la pynher da ki phew tylli ki drone ha ka nongbah jong ka Russia, ong ki bor pynïaid ka Russia ha ki lad pathai khubor.
Kitei ki jingshah thombor ki la pynlong ïa ki liengsuiñ ban pynslem ïa ka por leit- por wan la bunsien, kynthup ha ka Kad Liengsuiñ kaba ar kaba bun briew tam ha Moscow, ka Vnukovo.
Ka Ukraine, kaba la mad hi ïa ki jingshah thombor jong ki drone jong ka Russia ha baroh kawei ka thma kaba la jan saw snem, kam shym la kren eiei mardor.
U nongaiktien jong ka tnat pynïaid liengsuiñ jong ka Russia, ka Rosaviatsia, ula pynbna ïa ki jingkhang liengsuiñ hapdeng ka por 1300 GMT haduh 1400 GMT.
“Ki jingpyrkhing ki long kiba donkam ban pynthikna ïa ka jingshngaiñ ha ki liengsuin”, la ong u Artem Korenyako ha ka Telegram.
Kawei pa kawei ka kad liengsuiñ — ka Vnukovo, Domodedovo bad Zhukovsky — ka la plie biang shi bynta tang hadien shi kynta, u la ong ha ki jingthoh kiba hadien.
Ki bor ïada suiñ jong ka Russia ki la pynhap ym duna ïa ka 27 tylli ki drone kiba leit sha ka nongbah ha ka Sngi U Blei, la pynbna u Mayor ka Moscow, u Sergei Sobyanin, ha ki jingthoh ha ki Telegram.
Ka Russia, kaba la pynlong ïa ka jinghiar thma kaba pura ïa ka ri marjan jong ka ha u snem 2022, ka la khang bunsien ïa ka jaka suiñ jong ka, kum ka jingpynrem ïa ki jinghiar thma jong ki drone jong ka Ukraine.
U Lat jong ka thaiñ Belgorod jong ka Russia, ha khappud bad ka Ukraine, u la ong ba ka jinghiar thma jong ki drone jong ka Ukraine ha ka sngi U Blei ha ka por mynstep jong ka sngi U Blei ïa kawei ka kali kaba kit ïa kawei ka longïing, ka la pyniap ia uwei u briew bad arngut kiwei pat ki la mynsaw, kynthup ïa uwei u khynnah uba dang saw snem ka rta.
