Shillong, K’Lyngkot 05
Ka United Democratic Party (UDP) shen kan sa shim rai halor ka jingjied ïa ki kyrtong na ka bynta ka ilekshon ban wan sha ka ïingdorbar jong ka Garo Hills Autonomous District Council (GHADC).
Katkum ka jingïathuh jong u General Secretary jong ka UDP u Bah Titosstarwell Chyne, la ong ba la khmih lynti ba ïa ka kaiphod yn sa wanrah da ka Garo Hills committee ha kine ki sngi ban wan.
U la ong ba ka UDP ka la dep ban thaw ïa ka special committee ka ban peit bad khmih ïa ka jingjied ïa ki kyrtong bad ban pynïaid shakhmat ïa ka jingïalap na ka bynta ka ilekshon sha GHADC kaba la buh ban pynlong mynta u snem.
“Ngin sa pynbna ïa ka rai ka jong ngi ha ka rukom kaba dei hadien ba la ïoh pdiang ïa ka kaiphod,” la ong u Bah Titos.
