Shillong, Kyllalyngkot 06
U wei u nongïalam jong ka seng Congress na Umsning Konstitwensi u la phah ka shithi iehnoh kam sha u President ka Umsning Block Congress Committee u Bah Rocky Marweiñ ban pyntip sha u ba un iehnoh kam noh kum u dkhot bad nongïalam jong ka Congress.
Ki tyllong khubor ki ïathuh ba une u nongïalam ka seng Congress u dei u wei na kiba kyrshan radbah ïa ka seng ha kine ki snem ba la dep, ïa uba la tip kyrteng u Bah Efrangil Warlarpih u ba dei ruh u President ka Umsning Assembly Youth Congress.
Ka jingmih noh jong une u nongïalam kan pyntroiñ shuh-shuh ïa ka seng Congress, ym tang ha Umsning Konstitwensi hynrei ka Ri-Bhoi hi baroh kawei.
U Bah Efrangil Warlarpih uba la mih noh na ka seng Congress u la kitbok kitrwiang ïa ka seng bad ki nongïalam da kaba pynpaw ruh ïa ka jingkmen ba u la lah ban pyndep ïa ka term kum u nongïalam jong ka Umsning Assembly Youth Congress.
U Bah Efrangil um pat shim ïa ka rai shaei un leit ban pynïasoh noh hadien ba u la mih noh na ka seng Congress
