Shillong, K’Lyngkot 06
U Additional Deputy Commissioner ka Pynursla Civil Sub-Division u la pynbna ba kan don biang ka jingkhang ïaid ki kali ha shilynter ka surok hapdeng ka Laitlyngkot-Lyngkyrdem ka ban sdang naduh ka 8 tarik Kyllalyngkot, 2026.
U ADC u la pyntip ba ka por ban khang ïa ki kali ba kin ïaid na kane ka surok kan long hapdeng 11:30 baje mynstep haduh 4 baje janmiet bad ha ka por 9 baje mynmiet haduh 4 baje jong ka step kaba bud.
Kane ka jingpynbeit khang ïaid kali kan treikam naduh ka 8 tarik Kyllalyngkot tad haduh da pynmih da kawei pat ka jingpynbna.
La ong ba tang haduh 11:30 baje mynstep yn ailad ban jam na ki jaka sdang, kata na Lyngkyrdem bad Laitlyngkot bad hadien kane, naduh ka por 12 baje mynsngi, ka kompani kan sa sdang noh ïa ki kam ban pyntrei ïa ka surok.
La kyntu ïa ki nongleit nongwan ba kin long kiba husiar haba ïaid lyngba kane ka bynta jong ka surok bad khamtam eh ha ka por mynmiet.
La pyntip ba tang ïa ki kali kit nongpang yn shah ban ïaid ha kitei ki por khang hynrei ki hap ban pyntip lypa ha u phone number 6909217154 jong ka thanad Pynursla na ka bynta kano-kano ka jingdonkam ban pyntip sha ka kompeni shna surok.
