Shillong, Kyllalyngkot 07
Ka Indian Red Cross Society Meghalaya State Branch, ka la kner ka jingïarap ïa ki lai tylli ki longïing kiba la mad ïa ka jingjia kaba sngewsih na ka jingpluh ding kiba don ha Shnong Umlyngka Mission.
Lah ban kdew ba ka jingjia pluh kine ki lai tylli ki ïing ka la jia myn ha ka 04 tarik u Kyllalyngkot 2026, kaba dei ka sngi u Blei, ha kaba baroh ki jingdon jingem ki la ingkhong lut khait, namar ka jingjur palat ka jingkem ding.
Kumta na ka liang ka Indian Red Cross Society ka la kner jingïarap da ki tiar donkam na ka bynta kitei ki longïing kiba la ngat ha kane ka jingjia.
La leit ban aiti ïa kine ki jingïarap sha kitei ki longïing da u General Secretary ka Red Cross, u Bah Andrew N Sawian ryngkat bad ka Kong Badamonlin Thangkhiew, u Bah Albert CL Nongrang kiba dei ki nongtrei ka IRCS ha ka jingdonlang ruh u Rangbah Shnong ka Umlyngka, u Bah Stephan Lyngdoh ryngkat bad ki nongïalam shnong ka Umlyngka.
