Shillong, K’Lyngkot 08
Ka Meghalaya Congress ka la ïohpdiang ïa palat 70 tylli ki ‘Application’ pan tiket na ka Congress ha ka ilekshon MDC ka ban sa long ha Garo Hills Autonomous District Council (GHADC)-2026.
Haba kren sha ki lad pathai khubor, u Presi-dent ka Meghalaya Pra-desh Congress Commit-tee (MPCC) u Bah Vincent H Pala u la pynpaw ba ka Party ka long kaba la pynkhreh ban ïakhun ha kane ka ilekshon ha GHADC.
“Na ka bynta ka ilekshon MDC ha GHADC, ngi la dep khot ‘Application’ naduh ki bnai ba la dep. Kumba 70 ngut kiba kwah tiket na ka Congress ki la wan shakhmat, bad ngi hap ban rai halor kane ka mat” la ong u Bah Pala.
U Bah Pala u la pyntip ruh ba ka Party kan sa shim haba ïadei bad ka jingai tiket ïa ki kyrtong ban ïakhun ynda la pynbna ïa ka tarik ban pynlong ïa ka ilekshon GHADC.
“Kumba ju long, shisien ba la pynbna ïa ka tarik ilekshon, ngi ruh ngin sa pynbna ïa ki kyrtong jong ngi. Ngi la dep ban leh lut ïa baroh ki jingpynkhreh na ka bynta ka ilekshon” la bynrap u Bah Pala.
