Kolkata, Kyllalyngkot:
Ka Bharatiya Janata Party’s West Bengal unit ha ka sngi Balang ka la pynbna ïa ka komiti thymmai jong ka jylla ha shwa ka ilekshon sha ka ïingdorbar thawaiñ jong u snem 2026, da kaba wanrah biang ïa u nongkitkam ba marwei jong ka jylla Muslim hadien saw snem bad thung ïa u Myntri barim ka Trinamool Congress (TMC) kum uwei na ki 12 ngut ki Vice President jong ka jylla.
U Ali Hossain, uba long u president jong ka jylla Minority morcha (front) haduh u snem 2021, u la shah thung biang ha ka shuki, katba u Myntri barim jong ka TMC, u Tapas Roy, uba la pynïasoh sha ka BJP katto katne sngi shwa ka ilekshon Lok Sabbha ha u snem 2024, u la shah pynlong Vice President.
Kumjuh ruh u MP ka Malda North Lok Sabha u Khagen Murmu u la shah thung biang kum u president jong ka Scheduled Tribe (ST) Morcha.
“Ka komiti bathymmai, kaba kynthup ruh ïa san ngut ki heh Secretary, 12 ngut ki Secretary, san ngut kiwei pat ki nongkitkam bad hynñiew ngut ki president jong ka kynhun, ka mihkhmat ïa ka jingïatylli jong ki briew kiba kham bun ki khmat kiba thymmai bad katto katne ngut kiba la rim.
“Ym don ki jingpynrung kyrteng kiba lah ban pynmih ïa ka jingïakhih ha ki kynhun bapher bapher ha ka jylla unit”, u la bynrap. Lai ngut ki MLA, u Agnimitra Paul, u Dipak Burman bad u Manoj Tigga, kiba long mynshwa ki General Secretary, la thung ruh kum ki Vice President.
Ha ka jingpynkylla kaba la jia katto katne bnai hadien ka jingthep vote 2021, la bujli ïa u Hossain da uwei u dkhot jong ka jaitbynriew Khristan. “Ngan hap ban trei shitom ha kine ki bnai ban wan. Ka long ka jingbakla ban pyrkhat ba ym don ki Muslim kiba thep vote ïa ka BJP. Ki don bun kiba don ka jingsngew riewlum kaba khlaiñ”, la ong u Hossain ha ka lad phah khubor.
Katkum ka jingkheiñ briew jong u snem 2011, ki Khristan ki long 0.72% na ka jingbun briew jong ka jylla bad ki Muslim ki long kumba 30%.
La ïohi ruh ïa ka jingdon jong ki briew kiba don ïa ka tynrai jong ka Rashtriya Swayamsevak Sangh (RSS) ha kane ka komiti kaba thymmai. Kum ka nuksa, u Debjit Sarkar, uba la long u General Secretary ha ki por ba la dep, u la shah thung kum u nongaiktien ba hakhliehduh jong ka jylla, ka kam kaba u Samik Bhattacharya, uba don ruh ka jingshemphang ha ka RSS, u la bat haduh u bnai Naitung, 2024.
Kane ka jingkylla ka la jia katto katne sngi hadien ba u Dilip Ghosh uba la long President la ar sien, uba la long u pracharak (nongïakhih) jong ka RSS shwa ban rung sha ka Bengal BJP ha u snem 2015, u la shah thmu pyntreikam da ka seng kum u nongïalam ba hakhmat eh ha ka 1 tarik u Kyllalyngkot.
Hynrei u General Secretary barim ka jylla, u Sayantan Basu, uba la tip bha kum u Ghosh uba don ka tynrai jong ka RSS, um shym la ïoh jaka hapdeng ki nongkitkam ba thymmai. Kumjuh ruh u Vice President barim u Ritesh Tiwari, uba la shah pynrung biang ha ka seng da ki taïew mynshwa hadien ba u la shah sospon ha u snem 2021 namar ba u la kren pyrshah paidbah ïa ka jinglong nongïalam. U Basu ruh u la shah weng noh na ka komiti jong ka jylla ha u snem 2021.
Ki 8 ngut ki Vice President, ba kynthup ïa u Tiwari, ki la shah weng noh ha katei ka snem, katba tang u Jay Prakash Majumdar, uba la pynïasoh sha ka TMC. U Basu bad u Tiwari, baroh arngut, ki la ïathuh ha ka sngi Balang, ba ki kwah ban ïakhun ha ka ilekshon ban wan.
