Shillong, K’Lyngkot 11
Ka North Eastern Council (NEC) ka la seisoh ha ka ban pynïeng ïa ka ‘Model Handloom Production Centre’ ha Marngar, Ri-Bhoi District ha ka jingbei tyngka kaba T.1.43 klur.
Kane ka jaka, kaba la pyndep ha u bnai Nohprah, 2025 ka thmu ban pynim biang ïa ki rukom thaiñ jaiñ tynrai bad ban kyntiew ïa ka lad kamai jong ki nongthaiñ jain trai-ri.
Kane ka jaka ka la pynbiang ïa ki jingtei kiba kham bha bad ban kyntiew ïa ka jingtbit ha ki lad ki lynti, khamtam na ka bynta ki nongthaiñ jaiñ kiba dei ki kynthei, kaba ïalam pat sha ka jingbha ha ka jinglong-jingman bad ka jingpynïar ïa ki mar ki mata ne ki jaiñ ba la thaiñ da ka kti.
Kane ka la pynkhlaiñ ïa ki lad kamai kiba lah ban neh, ka jingpynneh-pynsah ïa ki rukom thaiñ jaiñ tynrai, bad ka kyntiew ruh ïa ka jinglah ban ïakhun ha ïew ha hat.
