Dubai, K’lyngkot:
Katba ka Iran ka dang byrngem ban ai da ka jubab kaba tyngeh ia ki ktem shipai ka U.S., la ong ba ka la mih ka jingkulmar bad ka jingleh donbor jong ka Iran pyrshah ia ki paidbah nongiakhih ha baroh kawei ka ri ha Iran, kaba la wanrah ia ka jingiap kaba ym duna ïa ka 538 ngut ki briew bad la khmih lynti shuh shuh ruh ba ka jingdon kiba iap kan nang kiew.
Sa kumba 10,600 ngut ki briew ki la shah kem ha kine ki ar taiew jong ki jingiakhih, la ong ka tnat sam khubor jong ka Human Rights Activists kaba don ha US, kaba la long kaba thikna ha ki jingiakhih ba la dep ha Iran ha kine ki snem ba la dep. Ka shaniah ha ki nongïakhih ha Iran ban wad bniah ïa ki jingtip.
Da ka jingthut jong ka internet ha Iran bad ka jingpyndkut ïa ki lain phone, ka jingthew ïa ki jingïakhih nabar ri ka la nang kham eh.
Ka sorkar Iran kam shym la ai ia ka jingkhein baroh jong ki briew kiba la mynsaw na ka bynta ki jingiakhih. Ka Associated Press kam shym la lah ban khein laitluid ia katei ka jingiap briew, namar ba mynta la khang ia ka internet bad ki phone call shabar ri ha Iran.
Kito kiba don shabar ri ki tieng ba ka jingpynlip ïa ki jingtip ka pynshlur ïa ki nongïalam kiba eh hapoh ki tnad pahara jong ka Iran ban pynlong ïa ka jingpynshitom beiñ kaba pynmih snam. Ki nongiakhih ki la pynshlei um biang ia ki surok ha ka nongbah jong ka ri bad ka nongbah kaba ar kaba heh tam jong ka ha ka step jong ka Sngi U Blei.
