Surrey, K’lyngkot:
Ka Lucy Letby, ka nos kaba dei ka nong Britain, kaba la shah kem bad shah pynngat hapoh ki kyndon pynkheiñ aiñ jong ka jingpyniap briew namar ka jingpyniap ia 7 ngut ki khyllung bad kaba la thmu ruh ban pyniap sa ia 6 ngut kiwei pat ki khyllung ha ka jakasumar kaba ka trei, la ong ba ha kane ka kynti pat, ka la ioh kam hapoh kawei ka patok HMP Bronzefield, kaba patok kaba la set ia ka bad kaba don hapoh Surrey. Ka Lucy ka la ioh ia katei ka kam thymmai hadien ba ka la shah kem naduh u snem 2020. Kumta, la ong ba ka Lucy mynta ka la trei kum ka nongpeit hapoh ka jaka kynshew kot, katkum katei ka kam ba la bynshet thymmai ha ka. Haba kdew ia kane ka kam kaba ka shah thung thymmai kum ka “kam kaba kham halor”, ka tyllong khubor ka la iathuh ba ka bynta thymmai jongka ka la pynmih ia ka jingiakren, ha kaba katto katne ki koidi, kumba ka paw, ki pynpaw ia ka jingsngewsih.
Ka kong Letby, kaba la dap 36 snem ha ka taiew ba ladep, ka la shah rai set phatok shi jingim ha u Nailar 2023, halor ki kam runar, kiba ka la leh ha ka por ba ka dang trei ha Countess of Chester Hospital.
Kum u nongpeit kot, u Letby un kitkhlieh ban sam ia ki kot bad ki DVD sha ki para koidi. Katkum ka khubor, ki tyllong khubor ki batai ruh ia ka kum ka “cock-a-hoop” halor ka jingshah kyntiew kyrdan, kaba la iohi kum ka bainong na ka bynta ka jinglong babha.
Haduh mynta, ki heh jong ka patok kim pat jubab ia ki khubor.
“Ki nongsumar kot ha patok bunsien ki leh ia ki paralok jongki. Ka lah ban leit ïaid kylleng- kylleng da ka troli bad ban pynpoi ia ki synduk sha ki ruh jong kito ki koidi kiba don ha katei ka patok.”
“Hynrei ka Letby ka dei ka koidi kaba pawnam. Ka pynkhuid ia ka kamra patok jongka, ka iakynduh bad ki ophisar bad ka long kaba don akor bad kaba iajan kumta ka ioh ia ka jingsumar kaba bha.”
