Nongpoh, K’Lyngkot 13
Ka ophis jong u Deputy Commissioner (Supply) ka Ri Bhoi District, Nongpoh, ka la pynbna paidbah ba ïa u khaw AAY, PHH, NON-NFSA jong u bnai Kyllalyngkot na ka bynta u snem 2026 la pyllait sha baroh ki dukan sam khaw rashon (Fair Price Shop) hapoh Ri-Bhoi District.
La pyntip ruh ba ïa u khaw AAY (bym donkam siew dor) yn ai 35 kilo shi ïing na ka bynta kiba don ïa ka Card AAY, u khaw PHH (bym donkam siew dor) yn ai 5 kilo shi khlieh briew, u khaw Non-NFSA yn ai 7.215 kilo shi ïing na ka bynta ki longïing kiba don ïa ka card Non-NFSA ha ka dor T.10.82/- shi kilo.
Kito ki longïing ki bym don Card Rashon lane kiba la kum pynjah ïa ki card AAY, PHH, hynrei kiba don kyrteng pat ha ka thup ba la ai sha ki dukan nongsam khaw rashon (Fair Price Shop dealer) na ka ophis ki lah ban shim ïa la ka bhah kaba la mang ïa ki.
La bthah ruh ïa baroh ki Wholesaler ba ki dei ban pynpoi ïa u khaw sha ki dukan jong ki nongsam khaw rashon katkum ka kyndon ba 24 jong ka National Food Security Act, 2013.
Shuh shuh, la maham ruh ba lada lap ba don kino kino ki Wholesaler ne dukan sam rashon kiba shim pisa ne jingot kilo kin shah pynshitom katkum ka kyndon ba 7 jong ka Essential Commodities Act, 1955 bad katkum ka kyndon ba 3 jong ka Prevention of Black Marketing and Maintenance of Supplies of Essential Commodities Act, 1980 bad la bthah ruh ïa baroh ki Fair Price Shop Dealer ba ki dei ban pyndonkam da ki e-POS Machine.
