Chennai:
U heh jong ka TVK bad u aktor u Vijay u la wan mih hakhmat ka kynhun CBI ban shah tohkit ha kaba ïadei bad ka jingjia ïaïuh para briew ha Karur kaba la shim ïa 41 tylli ki mynsiem briew ha ka jingïalang paidbah ha u snem ba la lah. Une u khlur ak phlim Tamil u la poi sha ka ophis treikam jong ka kynhun CBI hangne bad la rah ïa u sha ka kynhun kaba tohkit ïa katei ka jingïakynad, kaba la jia ha ka jingïalang paidbah kaba u la kren ha ka 27 tarik u Nailur mynshem snem ha Karur, TN .
U Vijay u la leit hajir hakhmat ka Central Bureau of Investigation (CBI) ha ka lah sngi U Blei ban shah tohkit ha kaba ïadei bad ka jingjia ïaïuh para briew ha Karur, la ïathuh ki heh sorkar.
Utei u khlur Tamil, u la poi sha ka ophis treikam jong ka CBI, hangne bad la ïalam ïa u, sha ka kynhun, kaba tohkit ïa katei ka jingïaïuh para briew.
Ka tnad ka lah ban shim ïa ka jingkhot ha kaba ujor ïa ka mukotduma ha katei ka kam hadien ba ka la bishar bniah ïa ki jubab jong u Vijay ha ka por ba shah kylli jingkylli, ki la ong. Ka CBI ka la shimti ïa katei ka mukotduma na ka kynhun SIT hadien ka hukum jong ka Supreme Court, bad ka tnad tohkit ka la lum ïa ki sakhi sabut halor ka jingjia.
