Shillong, K’Lyngkot 13
Ki kam tuh kam thiem ki la nang ïai bteng na kawei ka sngi sha kawei pat bad ïa kane lah ban sakhi biang na ki jingshah tuh jong ki ar shaka na kylleng ki jaka bad ruh ka jingshah prong tuh jong ki ïing.
Katkum ka khubor na ka website jong ki pulit la ong ba u Bah Bonifast Makdoh u la ai ka jingujor ba ha ka 10 tarik mynta u bnai, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML10-D-0945 na ka jaka sah ka jong u, kaba don ha Lumbasuk, Nongthymmai, Shillong.
U Timothy Nath ruh u la ai ka jingujor ba ha ka 8 tarik mynta u bnai, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-U-5361 na ka jaka sah ka jong u, kaba don ha Madanrting Block-E, Shillong.
U Bah Marphen Kharkongor u la ai ka jingujor ba ha ka step jong ka 10 tarik mynta u bnai, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-AD-4015 na ka jaka sah ka jong u, kaba don ha Laitkseh, Shillong.
U Bah Movingstar Makri ruh u la ai ka jingujor ba ha ka step 11 tarik mynta u bnai, ki runar bym lah ban ithuh, ki la tuh ïa ka arshaka ka jong u, kaba ym pat ïoh registration number na ka jaka sah ka jong u, kaba don ha Madanrting Block-C, Shillong.
Na ka liang jong u Bah Celestine Lyngdoh Rynghang ruh u la ai ka jingujor ba ha ka 10 tarik mynta u bnai, ki runar bym lah ban ithuh, ki la tuh ïa ka arshaka ka jong u, kaba don ïa u registration number ML05-V-5052 na ka jaka sah ka jong u, kaba don ha Umroh, Mawkasiang.
Ha kawei pat ka khubor, u Bah SS Kynjing u la ai ka jingujor ba ha ka miet jong ka 10 tarik mynta u bnai, ki runar bym lah ban ithuh ki la prong tuh hapoh ka ïing sah ka jong u, kaba don ha Lower Chutwakhu, Jowai (WJH) bad ban tuh ïa kawei ka TV, kawei ka Sony Theatre system, u LPG cylinder, bad kiwei kiwei ki tiar kiba la shongdor kumba T.70,000/-.
Ha kawei pat ka khubor, u Chairman jong ka Mathura Compound Durga Puja Committee, Jhalupara, Shillong u la ai ka jingujor sha ki pulit ba ha ka 6 tarik mynta u bnai, ki runar bym lah ban ithuh ki la pynjot pynpra ïa ka synduk noh synñiang pisa bad ban tuh ïa ka pisa kaba long T.80 hajar na ka Mathura Compound Durga Puja Committee, Jhalupara, Shillong.
Na ka liang jong u John Bosco Teseng Sangma u la ai ka jingujor ba ki runar bym lah ban ithuh ki la tuh ïa ka arshaka ka jong u, kaba don ïa u registration number ML08-J-9010 na Najing Bazar, Tura (WGH).
