Shillong, K’Lyngkot 14
U Myntri ka tnad ka Koit ka Khiah, Bah Wailadmiki Shylla u la pyntikna ba ïa ka tulop ba dang sahteng jong ki 288 ngut ki nos ba trei kontrak yn sa pyllait noh hapoh une u bnai.
“Kam dei ba ngi ap ïa ki (kynhun seng ne ki seng saiñ pyrthei) ban dawa…ngi la don lypa ha ka jingpynkhreh (ban pyllait ïa ki jingsiew ba dang sahteng),” ong u Bah Shylla sha ki nongthoh khubor ha ka Sngi Balang.
U Myntri u la batai ba ka jingpynslem ka dei namar ka jingeh ha ka liang ki rukom treikam ba bniah bad ka tnad Personnel, kaba la mynjur ban pynjlan ïa ki kontrak tang na ka bynta 200 ngut ki nos, ha ka jaka jong baroh 288 ngut.
“Ngi la phah biang ban pynbeit namarba ngi kwah ban mynjur ïa baroh 288 ngut. Dei na kata ka daw ba ka la shim por,” bynrap biang u Bah Shylla.
Ki kontrak jong ki nos ki la kut noh ha ka 1 tarik u Naiwieng, 2025, bad naduh katei ka por, ka tnad ka la pynbeit ïa ki jingeh bad la pynkhreh ban pyllait noh ïa ki tulop ba dang sahteng mynta u bnai.
“Ha une u bnai hi kin sa ïoh ïa ka tulop jong ki,” la pyntikna u Myntri.
