Shillong, K’Lyngkot 15
U Myntri Rangbah ka Sorkar Jylla u Conrad K Sangma u la pyntip ba ka Sorkar ka dang pynlong ïa ka jinglum jingkheiñ ïa ki jingjulor jong ka Shillong Government College of Engineering na ka jingjia pluh ding ha ka step jong ka sngi Palei.
Haba kren sha ki nongthoh khubor u la ong ba la lah ban pynlip ïa ki thylliej ding bad kam shym la don ka jingjulor kiwei pat ki mala. “Ngam don ïa ka jingtip ba bniah hynrei nga lah ban ïathuh ba la lah ban pynlip noh ïa ka ding bad kam don kano-kano ka jingshah ktah ha kiwei pat ki mala.”
U Conrad u la pynpaw ïa ka jingsngew kmen ba ha kane ka jingjia ym don kano-kano ka jingjia ba sngewsih. “Da ka jingsumar bad jingaiei u Blei kam shym la jia kano-kano ka jingjia ba sngewsih, hynrei ka la don katto katne ki jingjulor bad haduh mynta ngam pat don ïa ka jingtip ba pura” u la ong.
