Mawkyrwat, K’Lyngkot 15
Uwei u samla na ka shnong Rangmaw ha South West Khasi Hills District uba tip kyrteng kum u samla Khlainkupar Nongsiej, 22 snem ka rta u la jah na la ïing ha ka 13 tarik u Kyllalyngkot 2026 ha ka por kumba 11:30 eiei mynstep.
Katkum ka jingïathuh u Myntri Shnong Rangmaw, Bah Drus Lyngdoh bad ki bahaïing hasem ki la ïathuh ba une u samla u dei uba don jingduna ha ka bor pyrkhat, ym tang katta u long ruh uba thlun ha ka rukom kren bad don ka jingkyllut ha ki shkor.
Ki la ïathuh ba u Khlainkupar Nongsiej u phong ïa ka patlun rong ïong, jacket jean stang rong blue, ka T-Shirt jersey football kaba lam byrsaw bad u don ka rynïeng kaba 5 phut 3 inshi bad uba met lieh.
Ha kaba ïadei bad kane ka jingjia ki paidbah dong, kiba haïing hasem, ka shnong ka thaw baroh kawei ryngkat ki pulit ka Mawkyrwat ki la pynlong ïa ka jingwad paidbah ïa u mynta la lai sngi naduh ba u jah hynrei kim shym lap dien satia ïa u.
Kumta na ka liang ka shnong ka kyrpad ïa ki paidbah ka dong ka thaiñ ba lada ki lap ne ïohi ïa u ba kin pyntip lem ha ka shnong Rangmaw lane ha ki pulit bad ki lah ruh ban phone ha kine ki number, 8132017241, 9863398734, 9863807809.
