Nongstoiñ, K’Lyngkot 16
Ha ka 14 tarik u bnai Kyllalyngkot, ka kynhun ANTF haba ka dang pynlong ïa ka jingïaid pahara kaba kyrpang, ka la lap ïa lai ngut ki briew kiba i-shan khmat ha ka thaiñ Mawlarshong, hajan ka Madan New Nongstoiñ.
Ka kyrwoh khubor, ka ong ba kitei ki 3 ngut ki briew kiba kynthup ïa u Jeffery Lyngdoh Nonglait bad u Moonstar Kharbani, ki dei kiba ju mlien ban khaïi drok man ka por.
Shuh shuh la ong ba hadien ba la pynlong ïa ka jingwad hakhmat ki sakhi, la lap bad kurup na u Jeffery Lyngdoh Nonglait ïa 10 tylli ki tyndong ne ki ‘vial’ kiba don ïa u ‘heroin’ uba khia 0.99 gram, T.280/- ka pisa bad kawei ka ‘mobile phone’.
Ha kajuh ka por, la lap bad kurup noh 0.04 gram u ‘heroin’ ryngkat u thyrnia injek na u Moonstar Kharbani.
Ka kyrwoh khubor ka ong ba la pynngat ïa ka mukotduma ha Nongstoiñ Police Station kum ka Case No. 04(01)2026 hapoh ki Section 21(a)/27/29 jong ka NDPS Act pyrshah ïa baroh ki briew kiba la kdew haneng, bad ka jingtohkit ka dang ïaid shakhmat.
