Shillong, K’lyngkot 16
Ki ïing ki sem ba shong ba sah ki jaidbynriew bym dei khasi ha Ïewmawlong, harum Anjalee Cinema Shillong ki la julor palat 40 haduh 50 tylli na ka jingklang ka ding ha ka por kumba 5:00 baje janmiet kaba la jia mynta ka sngi ka 16 tarik u Kyllalyngkot 2026 .
Ka jingkem ding kynsan ha katei ka jaka ka la long kaba i shyrkhei bha kaba la pynher syrngiew lut ïa baroh kiba leit ba wan ha Ïewmawlong bad kiba shong dukan hajan jong kitei ki ïing dieng.
La ïohi ba ki nongshong ïew bad kiba ïaid ba ïeng ki la mih sha surok namar ka jingtieng ba la klang ka ding.
Ïa ka daw jong ka jingpluh bad kem ding kitei ki ïing sah ym lah ban tip bad ym pat tip la ki don ne em ki briew kiba la mynsaw na ka tei ka jingpluh ding .
Na ka liang ki pulit pynlip ding ki la wan ha ka tei ka jaka ban tehlakam ïa katei ka jingpluh kaba shyrkhei ban synreit um ïa kitei ki ïing ba la kem ding.
Ka jingklang ki thylliej ding ha Goenka Compound hajan Ïewmawlong kala long kaba jur bha haduh ba ka la nangpur sa ïa kiwei ki ïing.
Na ka liang ki pulit pynlip ding ha ryngkat ki shipai ki la ïaleh ban synreit um sha ki tnum jong ki ïing kiba la pur ka ding.
Ha kane ka jingpluh ha Goenka Compound ha jan Ïewmawlong la don haduh kumba 40 lane 50 tylli ki ïing kiba la shah bamduh ha ka ding.
Haduh mynta ym pat lah ban tip ïa ka daw ba la pynlong ïa ka jingpluh jong kine ki ïingsah.
Kat haduh ba thoh ïa kane ka khubor ki pulit pynlip ding ki la lah ban pynjai jai ïa ka jingklang ka ding hynrei kim pat lah pat ban pynlip lut ïa ka bad ki pulit pynlip ding ki dang ïaleh ban synreit um ïa ki ïing ki sem ban lait pur sa sha ki wei pat.
