Shillong, K’Lyngkot 16:
Kawei ka scooty kaba don ïa u nombor ML-05 Y 6606 ka la shah tuh ha ka por shiteng miet jong ka 15 tarik mynta u bnai kyllalyngkot 2026 katba dang pynïeng ha phyllaw ïing ha Golflink Mawpun.
Na ka liang u trai u bym kwah pynpaw kyrteng u la leit ujor ejahar halor kane sha Police Beat House Lawmali.
La ïathuh ba ïa ka scooty la pynïeng harud surok shnong kaba don ha syndah ïing hynrei tang kawei ka scooty ka la shah tuh katba kiwei ki scooty bad ki thuk thuk kiba pynïeng lang ki khlem shah tuh.
Shuh shuh la ïathuh ba la suba ba katei ka la jia ha ka por 1:00 shiteng synñia namar ha ka por 9:30 mynstep haba u trai u la mut ban mih noh ban leit trei um lap shuh ïa ka.
Kumta la kyrpad lada don mano-mano ba lap ne ïohi kin phone ha u 8837085232.
