Jowai, K’Lyngkot 20
Ka shlem treikam u District Sports Officer, Jowai kan sa pynlong ïa ka prokram ai jinghikai ha kane ka aïom tlang ïa kaba la tip kum ka ‘Winter Coaching Camp’ na ka bynta ka jingïalehkai Football bad Athletic ha Kiang Nangbah Stadium, Jowai.
Kane ka prokram kan long na ka bynta ki khynnah shynrang bad kynthei kiba hapoh 18 snem rta. Na ka bynta ki khynnah kiba hapoh 15 snem, ki khynnah ki dei ban long kiba la kha hadien ka 1 tarik u Kyllalyngkot 2012. Katba na ka bynta kiba hapoh 14 snem, ki khynnah ki dei ban long kiba la kha hadien ka 1 tarik u Kyllalyngkot 2013.
Kumjuh na ka bynta kiba hapoh 16 snem, ki khynnah ki dei ban long kiba kha hadien ka 1 tarik u Kyllalyngkot 2011. Katba kiba hapoh 18 snem, ki khynnah ki dei ban long kiba la kha hadien ka 1 tarik u Kyllalyngkot 2009.
Te kumta na ka liang katei ka shlem treikam ka la kynti ïa baroh kiba kwah ban ïashim bynta ba kin pynrung kyrteng bad ban aiti ïa ki Xerox Copy jong ki syrnod sngi kha lane Adhaar Card jong ki sha ka shlem treikam jong u DSO ha ki kynta long trei. Ka tarik ba khatduh ban pdiang ïa ki kyrteng kan long ha lane shwa ka 29 tarik mynta u bnai.
