Shillong, K’Lyngkot 20
U Director General of Police (DGP) barim ka Meghalaya u Bah W. R Marbaniang u la khlad noh ha ka sngi Ba-ar hapdeng ka jingshah sumar ha Supercare Hospital hadien ka jingpang kaba la ban katto katne por.
U Bah W.R Marbaniang uba la don 75 snem ka rta, u la shakri kum u DGP jong ka Meghalaya naduh ka 31 tarik u Kyllalyngkot, 2005 haduh ka 21 tarik Lber, 2007, kata hadien ba u la shakri ïa ka tnat pulit ha Meghalaya ha ki kyrdan bapher bapher.
U Bah W.R Marbaniang u la iehnoh shadien ïa ka kurim ka Kong Enid D Basaiawmoit lem bad ki ar ngut ki khun.
