Shillong, K’Lyngkot 20
Kum shibynta ban plielad ïa ki samla ha kane ka juk khlem kam ban leit trei shabar ka Jylla, ka National Institute of Electronic & Information Technology (NIELIT) Shillong ha ryngkat ka jingïasnoh kti lang bad ka Divisional Employment Exchange Shillong ha ka 20 tarik u Kyllalyngkot 2026 ka la pynlong ïa ka “job fair” ha State Central Library Shillong.
Watla ka dei ha u bnai Kyllalyngkot kaba bun ki samla pule ki don ha ki shnong lajong hynrei katkum ka jingïoh jingkheiñ ki don 831 ngut tam ki samla kiba wan ha kane ka sngi.
Haba ïakren bad ka Kong Sibalin War kaba dei ka Senior Technical Officer jong ka NIELIT Shillong ka la ïathuh ba ha kane ka sngi la hikai ïa ki samla kumno ba kin long kiba la pynkhreh ban leit trei shabar ka Jylla ha ki company bapher-bapher.
Ka la pyntip ba ki don kumba 60 haduh 70 ngut ki samla pule kiba shimbynta ha man ki dukan ba la pynïeng.
“Kane ka ‘job fair’ ka dei ka sien kaba ar namar ngi la pynlong mynshem snem da ka jingkyrshan lang ka Sorkar,” ka la ong.
Ka la pyntip ba ki samla kiba wan ha kane ka ‘job fair’ ki hap ïaid bun tylli ki bynta.
Ka la kyntu ïa ki samla ba kin wan ïashim bynta ha kane ka ‘job fair’ khnang ba kin lah ban khot ïa ki lada don ki training, ki counselling la ka long kiba shabar ne ha ka Jylla ruh kumjuh .
Ka Kong Sibalin ka la ong ba kam shym la khmih lynti ba ki samla kin ïa wan sha kane ka ‘job fair’ hynrei ki samla kynthei bad shynrang ki don haduh 831 ngut kiba wan ha kane ka sngi.
