Shillong, K’Lyngkot 21
Ka jingbteng jong ki briew ban shah thok ei ka pisa ha ki rynsan social media da kaba ‘click’ ïa ki ‘link’ thok ka dang bteng na kawei ka sngi sha kawei pat.
Katkum ka khubor na ki pulit la ong ba uwei u nongshong shnong jong kawei na ki dong ha nongbah Shillong u la ai ka jingujor ba ha ka 5 tarik mynta u bnai, u la ïoh pdiang ïa kawei ka ‘message’ na u number bym ithuh ha ryngkat bad kawei ka link, ha kaba u nongphah u la pyntip sha u ba u don ïa pisa ba dang sah ka bym pat siew na ka bynta ka kali jong u bad bthah ba un siew T.500 da kaba leit sha ka link.
Hynrei la ong ba kham hadien na ka liang jong une u nongujor u la lap ba u la shah khate ei ka pisa haduh T.88,333 na ka debit card ka jong u.
