Khliehriat, K’Lyngkot 22
Uwei u runar uba kyrteng u Kmenlang Sana ba ju khot sin ‘Lang Sana’ u la shah rai pynrem da kaba shah set phatok 25 snem kynthih namar ka jingdonkti ha ka kam leh beijot ïa kawei ka khynnah ha ka jingjia kaba la jia ha u snem 2023.
U Superintendent of Police ka East Jaiñtia Hills u pyntip ba kane ka jingjia ka la mih lyngba ka jingujor ejahar ha ka 06 tarik Jymmang, 2023 hapoh Khliehriat Women PS.
Hadien ki pulit ki la register case hapoh Khliehriat Women Police Station hapoh ki kyndon ka POCSO Act ha kaba ïa ka jingtohkit la khlieh da ka Women Police SI L Siangshai. Hadien ka jingtohkit la charge-sheet ha ka 30 tarik Risaw 2023.
Hadien ba la dep ka jingtian bishar, ka ïingbishar jong ka Kong B Khriam, Special Judge (POCSO), East Jaiñtia Hills, Khliehriat ka la rai pynrem ïa u Kmenlang Sana hapoh ka kyndon 376AB IPC bad kyndon 6 jong ka POCSO Act namar ka jingdonkti ha kane ka kam bymman da kaba set phatok 25 snem ha ryngkat ka kuna kaba T.30000.
