Patna, K’lyngkot:
U Myntri Rangbah jong ka Bihar u Nitish Kumar, ha ka sngi Balang, u la pyllait bad plie paidbah ïa ki kam pynroi bad ki skhim kiba la kot sha ka T. 538 klur ha Saran distrik ha ka Samridhi Yatra jong u.
Ki jingthmu ki kynthup ïa ki kam pynroi, ki jaka pynroi ïa ki sap bad ki jaka pynkupbor ïa ki kynthei, kiba thmu ban kyntiew ïa ka roi ka par jong ka thaiñ baroh kawei .
U Kumar, ha ka sngi Balang, u la pynlait ïa ki katto katne ki kam pynroi bad ki skhim, kiba kot sha ka T. 538 klur ha Saran distrik, ha ka ‘Samridhi Yatra’ jong u.
U Myntri Rangbah u la bishar bniah ruh ïa ki skhim bad ki kam pynroi kiba dang ïaid ha ka por ba pynlong ïa ka yatra.
Katkum ka kyrwoh na u CMO, “U Kumar u la buh ïa u maw nongrim na ka bynta 45 tylli ki skhim kiba kot sha ka T.451 klur bad u la plie ruh ïa ki 24 tylli ki skhim kiba la kot sha ka T.87 klur ha Saran distrik.”
U la jurip ïa ka ïing ba la tei thymmai jong ka ITI ka sorkar bad u la bishar bniah ïa ki kamra klas, ka jaka trei diesel da ki kor, ka jaka trei bording, bad kiwei kiwei ki jingdonkam, bad u la ïakynduh bad ki samla pule”.
U Kumar u la plie paidbah ruh ïa ka ‘Didi Ka Silai Ghar’, kaba dei ka jaka ai jinghikai-cum-manufacturing kaba la pynïaid da ka Radhe Krishna Jeevika Women Cluster Federation.
La synran lang ïa u Kumar da u Symbud Myntri Rangbah ka jylla u Samrat Choudhary, u Myntri ka tnad shna um u Vijay Kumar Choudhary, u Myntri ka Labour Resources u Sanjay Singh Tiger, u Chief Secretary u Pratyay Amrit bad ki heh ophisar jong ki tnad treikam bapher bapher.
