Shillong, K’Lyngkot 22
Ki kam tuh kam thiem ki dang ïai bteng na kawei ka sngi sha kawei pat bad ïa kane la sakhi biang da ka jingshah tuh ki mar ba rem dor, ka arshaka bad kiwei kiwei.
Katkum ka khubor kaba la ïoh na ki pulit la ong ba u Abhilash Saini u la ai ka jingujor ba ha ka step jong ka 20 tarik mynta u bnai, ki runar bym lah ban ithuh ki la tuh ïa ki lai tylli ki camera, lai tylli ki ‘canon lense’ bad kiwei kiwei ki tiar kiba shongdor haduh kumba T.8.5 lak.
La ong ba ïa kine ki mar remdor ki runar ki la ïoh ban tuh na ka kali ka jong u, kaba don ïa u registration number 24BH1732E kaba la pynïeng ha Pynthorbah, Block-III, Shillong.
Ha kawei pat ka khubor, ka Sunita Deka ka la ai ka jingujor ba ha ka 20 tarik mynta u bnai ha ka por kumba 6.50 janmiet, ki runar bym lah ban ithuh, ki la tuh ïa ka arshaka ka jong ka, kaba don ïa u registration number ML05-AG-0935 na ka thaiñ Don Bosco Square, Laitumkhrah, Shillong.
