Shillong, K’Lyngkot 22
Ki nongrwai kiba dei ki bym ïohi ki khmat ki la pynpaw ka jingïakynduh jingeh namar kim lah shuh ban rwai slem ha ki prokram ba kin shah khot ne ha Khyndailad namar u battery uba pynkhlaiñ ïa ka jingtem kum ka speaker u la shah tuh noh.
Une u battery kali uba shongdor hynriew hajar tyngka ban charge ïa ka speaker bad ka borti buh pisa ki la shah tuh haba ki buh hakhmat ka MUDA haba ki dang leit bamja.
Kine ki nongrwai ki bym ïohi ki khmat ki don l?i ngut kiba ju rwai ha Khyndailad Shillong ki long u Bah Donbokstar Nongrum 31 snem ka rta, u Nihi Lamare 20 snem ka rta bad Kong Bandwina Khymdeit 29 snem ka rta.
Kine l?i ngut ki la ïathuh haba ki la thngan ki la leit ‘charge’ ïa ka speaker ha kawei ka dukan bad ïa u battery bad borti ki buh hajan ka jaka rung ha MUDA ha ka por 4:00 baje janmiet hynrei ynda ki la wanphai ki lap ba la shah tuh.
Ki la ïathuh ba man ka por ki ju buh beit hakhmat ka jaka rung ha MUDA ïa ki tiar hynrei ym don ba tuh dei tang mynta ka sngi ba ki la shah tuh.
Ki la ïathuh ba une u battery ba ki rah, dei ba shu rah jong ki paralok ban pynkhlaiñ ïa ka speaker hynrei ban charge beit na ka speaker kan thut ïa ka jingrwai jong ki lada ki leit rwai lada don ba khot ha ki prokram bapher bapher.
Kumta ki la kyrpad ïa kiba tuh ne kiba bakla rah kin wan pynphai noh da kaba phone ha u number 9233776233.
