Shillong, K’Lyngkot 23
Ka Donkins CC ka la ïakhun pyrshah ïa ka Malki Xl ha ka jingïalehkai semi final jong ka Cricket League 1st Division ba pynlong da ka Shillong Cricket Association 2026.
Ha ka jingïakynting pisa la kam trai da ka Donkins CC kaba la jied ban tied nyngkong bad ka la lah ban kamai haduh 187 ron. U Rayner Lyngdoh u la ïoh 64 ron bad u Kit Nongkhlaw 32 ron kiba la long ki nongtied ba kham kynsai. Katba u Nick Dann u la khur 3 wiket bad u Sylvester Mylliempdah u la ïoh 2 wiket.
Ha ka pali beh ïa ka thong ka Malki Xl ka la ïoh tang 176 ron. U Ronnie McDonald Nongbri u la ïoh 94 ron bad u Sylvester Mylliempdah 31 ron kiba la kham lah ban lehkai bha, katba u Rohit Rai u la ïoh pynhap 3 wiket bad u Agreas Cham Cham Sangma 1 wiket.
Ka Donkins CC ka la jop ha ka jingïalehkai da 11 ron ïa ka Malki Xl bad ïa ka nam ‘Player of the match’ la ïoh da u Rohit rai u ba ïoh khur 3 wiket bad kamai 25 ron.
