Nongstoiñ, K’Lyngkot 23
Ka kynhun ïalehkai jong ka All Star Football Academy Pyndengrei kala ïoh ban khur ïa ka nam lahduh ha ka lympung ïalehkai Phutbol ïa kaba la tip kum ka 2nd Republic Day Cup Under 16 District Level ïa kaba la pynïaid da ka Nongstoiñ Football Association ha ryngkat ka jingïasnohkti lang ka ophis jong u Deputy Commissioner ka WKHD.
Katei ka nam tam bad ka nam lahduh jong ka All Star Football Academy kadei hadien ba ka la lah ban pynliem noh ïa ka kynhun ïalehkai jong ka Mawphansyiar da 3-1 kol lyngba ka tie breaker ha ka jingïakhun final kaba la long ha ka sngi Thohdieng jong ka taïew ha madan Mawkadiang West Khasi Hills hadien ka jingïakhaid da mar shikol ha ka jingïalehkai.
Ha katei ka sngi , pynkut ïa katei ka lympung ïalehkai u MLA ka Nongstoiñ u Bah Gabriel Wahlang u la long u kongsan ha ka jingdonlang ruh ka Hema Nayak IAS Deputy Commissioner ka WKHD, ka Kong B. Syiem DSO ka WKH ki nongkitkam ka MFA bad kiwei-kiwei.
