Tehran, K’lyngkot:
Ka Iran ka la tyrwa ïa ka jingkheiñ ïa kiba ïap kaba nyngkong eh ba la pynmih da ka sorkar ha ka sngi thohdieng hadien ka jingpynshitom beiñ ïa ki jingïakhih ha ka ri baroh kawei, kaba la ai ïa ka jingkheiñ kaba kham duna bha ban ïa ki nongïakhih shabar ri katba ka jingsynshar blei jong ka ri ka pyrshang ban pynskhem biang ïa ka jingsynshar hadien ka jingïakynad kaba pynkynmaw ïa ka jingkulmar kaba la jia ha ka jingïakhih Islam jongka ha u snem 1979.
Ka telebishon jong ka jylla, ka la rah ïa ki jingpynbna jong ka tnad kam pohïing bad ka Foundation of Martyr and Veterans Affairs, ka kynhun treikam kaba ai jingshakri ïa ki longïing jong kito kiba la ïap ha ki thma, da kaba ong ba 3,117 ngut ki briew ki la ïap. Ka la bynrap ruh ba 2,427 ngut na kiba iap ha ki jingiakhih kiba la sdang ha ka 28 tarik u December ki dei ki riew paidbah bad ki bor pahara. Kam shym la batai bniah ia kiwei pat. Ka sorkar Iran ha ki por ba la dep ka la khein duna ne kam shym la pyntip ia kiba iap na ka jingkulmar.
Ka Human Rights Activists News Agency kaba don ha US, ka iathuh ba ka jingiap ha ka step jong ka Sngi Balang, ka long ym duna ia ka 4,902 ngut, ha kaba la sheptieng ba ki don bun kiba iap. Ka kynhun jong ka hok longbriew manbriew ka la long kaba thikna ha baroh ki snem halor ki jingïakhih bad ki jingïakynad ha Iran, da kaba shaniah ha ka kynhun jong ki nongïakhih hapoh ka ri kaba pynskhem ïa baroh ki jingïap ba la pynbna. Kiwei pat ki kynhun kumjuh ki la tyrwa ia ki jingkhein kiba kham heh ban ia ka jingkhein jong ka sorkar Iran.
Ka Associated Press kam shym la lah ban kheiñ laitluid ïa ka jingïap jong ki briew, shi bynta na ka daw ba ki bor synshar ki la khanglad ïa ka internet bad khanglad ïa ki jingkhot nabar ri sha kane ka ri. La iathuh ruh ba ka Iran, ka don ka jingduna ha ka jinglah jong ki nongthoh khubor ha la ka jong ka jaka, ban iathuh ia ka jing jia hadien ka jingjia, ha ka jaka kata, ka ju pynmih ia ki jingkynnoh ha ki telebishon jong ka sorkar, kiba kdew ia ki nongiakhih, kum ki “nongpynkulmar” ba la pynshlur da ka America bad ka Israel, khlem da ai ia ki sakhi ban kyrshan ia katei ka jing kynnoh.
