Shillong, K’Lyngkot 25
Ka East Khasi Hills District ka la jop bad ïoh rah ïa ka khusnam ‘Best Election District Award’ ha ka thup kyrdan ‘Election Management of Logistic’ kaba ïadei ha ka jinglah ban pynïaid bha bad jingïaid beit ïaid ryntih ki ilekshon kumjuh ruh kiwei de ki kam ha ka por ilekshon.
Ïa katei ka khusnam la sam ha ka jingrakhe ïa ka National Voters’ Day da ka President ka Ri India ka Droupadi Murmu sha ka Deputy Commissioner (DC) ka East Khasi Hills, Kong RM Kurbah ha ka jingïalang kaba long ha Manekshaw Centre, Delhi Cantonment, New Delhi ha ka sngi U Blei.
