Shillong, K’Lyngkot 27
Ka Hynñiewtrep Integrated Territorial Organization (HITO) Shillong City hapoh ka jingïalam u Organizing Secretary, u samla Pynshngaiñ Nongrum ha ka sngi Ba-ar jong ka taïew, ki la ïoh bat haduh saw ngut ki bar Jylla kiba la rung shapoh Shillong khlem da don ki kot ki sla kiba biang.
Kane ka jingïoh bat ka HITO ka dei hadien ba ki la ïoh ka jingujor na ki paidbah ba ki don ki bar Jylla ba rung sha Shillong khlem da don ki kot ki sla ba biang bad mar-mar ki dkhot ka seng ki la mareh bran-bran ban beh ïa ka kali kaba ki shong.
Ha kane ka jingleit beh ka seng ka la ïoh bat ha Civil Hospital hajan Keating Road bad kine ki bar jylla ki don saw ngut, ba kynthup ar ngut ki kynthei bad ar ngut pat ki shynrang.
Haba ki dkhot ka seng ki la kylli bniah ïa kitei ki bar jylla, ki la ïathuh ba ki thmu ban leit trei sha Sohïong bad don napdeng jong ki pat ki ong ban leit trei sha Jowai, Khliehriat.
Kumta ki dkhot ka seng ki la pynphai noh ïa ki sha ka jaka ba ki wan da kaba maham ruh ba ki dei ban pyn biang shuwa ki kot ki sla, kum ki Labour Licence bad ki Police’ Verification.
