Shillong, K’Lyngkot 27
Ka Shillong Cricket Association (SCA) kan sdang noh sa ka lympung ïalehkai Super Division Cricket League 2025-26 naduh 28 tarik mynta u bnai.
Ha kane ka lympung ki don 12 tylli ki kynhun ha kaba la phiah ïa ki ha ki ar tylli ki group. Ha ka Group-A ki long ka Sputnik, Nongthymmai, Langsning, Royal, Nongmynsong bad ka Lumpyngad, katba ha ka Group-B ki long ka Rangkynsai, Young Guns, Sputnik Spartan, Sporting, NFU bad ka Lok Bhavan.
Ki kynhun ki ban ïakhun ha katei ka sngi sdang kin long hapdeng ka Sputnik pyrshah ïa ka Nongthymmai. Ha ka sngi kaba bud ka Rangkynsai ïa ka Young Guns. Ha ka 30 tarik ka Sputnik Spartan ïa ka NFU bad ka Langsning ïa ka Lumpyngnad ha ka 31 tarik mynta u bnai.
