Srinagar, K’lyngkot:
Ka jingkren biang jong u General Secretary jong ka seng BJP ha ka ri u Tarun Chugh ba ka seng ka ïeng skhem na ka bynta ka Jammu & Kashmir kaba ïatylli, ka la pynduh ïa ka jingdawa ban ïoh ïa ka jylla Jammu kaba kyrpang.
U Chugh, uba dang shen u la ai jingkren sha ki MLA ka BJP ha ka jingïalang ai jinghikai kaba jur na ka bynta ki nongthaw aiñ jong ka seng ha Jammu, u la pynskhem ba ka BJP ka ngeit ha ka Jammu & Kashmir kaba ïatylli pura, kynthup ïa ki bynta jong ka PoJK kiba la shah knieh beaiñ ha ka Pakistan.
“Ha kano kano ka rukom ka BJP kan ym shah ïa ka jingphiah ïa ka J&K. Ka seng ka shimkhia ïa ka jingshisha ba ka Jammu & Kashmir ka dei kawei ka kynhun”, u la pynpaw.
