Islamabad, K’lyngkot:
Ha ka jingjia kaba kongsan kaba pyni shai ia ka jingïatreilang kaba jylliew hapdeng ki kynhun lehnoh ha ka pyrthei, uwei u heh lehnoh ba rangbah jong ka Lashkar-e-Taiba (LeT) kaba don ha Pakistan, u la pynpaw paidbah ïa ka jingïadei bad ka Hamas bad pynthikna ïa ki jingïakynduh bad ki nongïalam ba ha khlieh duh jong ka, kaba pynskhem ïa ka jingsngewkhia halor ka jingpynïar ïa ka jingïatreilang hapdeng ki ar tylli ki kynhun lehnoh ba ïatreilang bad ka US.
U Faisal Nadeem, uba dei u nongialam jong ka Pakistan Markazi Muslim League (PMML)-ba la niew paidbah kum ka kynhun saiñ pyrthei jong ka Lashkar-u la phla ha ka video kaba dang shen kaba la ioh da ka NDTV ba u la iakynduh ia ki nongialam ba rangbah jong ka Hamas ha Doha, Qatar, ha u snem 2024. ha lyndet jong ka jingthombor jong ki lehnoh ha Pahalgam ha Jammu bad Kashmir, ki la synran lang ia u.
Katkum ka jingiathuh jong u Nadeem, kine ki ar ngut ki la ïakynduh ïa u nongïalam ka Hamas u Khaled Mashal ha ka jingleit jongki, ka jingpynpaw kaba ki tnat syntiat jong ka India ki ong ba ka ai sakhi beit ïa ka jingïatreilang hapdeng ki kynhun lehnoh kiba treikam ha South Asia bad Middle East. Ki nongpeit bniah ki ngeit ba ka jingpdiang ka pynpaw ia ka jingiateh kaba dang iai bteng kaba thmu ban iasam ia ki mar ki mata, ki buit pynphriang khubor bad ka jingshemphang ha ka jingtreikam.
Kane ka jingpynpaw pyrthei ka wan hadien katto katne taiew ba ki lad pathai khubor jong ka pyrthei, ki la pynmih ïa ki jingtip ba bniah halor ka jingïakynduh hapdeng u rangbah rangbah ka Hamas, u Naji Zaheer bad u Rashid Ali Sandhu, u rangbah ka Lashkar, ha Gujranwala jong ka Pakistan. Kata ka jingialang ka la long ha ka jingialang paidbah ba la pynlong da ka PMML bad ka la paw pyrthei hadien ba la mih ka video kaba khlem buh tarik kaba pyni ba baroh arngut ki nongialam ki iasam ia ka madan.
Katkum ka jingtohkit jong ka NDTV, u Naji Zaheer u la wan sha kane ka jingïalang jong ka PMML kum u kongsan, katba u Sandhu, uba treikam hapoh ka jingtap jong u nongïalam saiñpyrthei, u la mihkhmat ïa kane ka seng. Ki heh jong ka tnad pahara ki la ong ba ka jinglong paidbah jong ka jingialang ka pyni ia ka jingshaniah kaba nangroi bad ka jingiadei kaba kham jylliew hapdeng kine ki ar kynhun. La iathuh ba u Zaheer, u la leit sha Pakistan la jan 15 sien, naduh u Risaw 2023.
Ia kane ka jingphla ba khatduh jong u Faisal Nadeem la shim kum ka jingpynskhem shuh shuh ia ka jingiadei jong u Lashkar kaba nang heh. Ki riew shemphang kiba ïakhun pyrshah ïa ki kam lehnoh ki kdew ba baroh ar ki Hamas bad ka LeT ki dei ki seng lehnoh ba la jied da ka America bad katto katne kiwei pat ki ri, bad kano kano ka jingïatreilang hapdeng jong ki ka lah ban don ka jingktah kaba jur bha ïa ka jingïada ha ka thaiñ bad ha ka pyrthei. Ka Indian Intelligence apparatus ka dang buddien bha ruh ïa ka jingïatreilang jong ka Hamas bad ka Lashkar na ka bynta ki kam aiñ kiba kham shakhmat ha la ka jong ka ri, bad kumjuh ruh ha ka pyrthei baroh kawei ha ka FATF (Financial Action Task Force) bad kiwei kiwei ki kynhun jong ka pyrthei.
Ki heh sorkar ki ong ba ki jingïalang ki ai jingmut ïa ka jingpyrshang ba stad ban tei ïa ka jingïatylli kaba kham heh ha ka liang ka jingmut jingpyrkhat bad ka jingtreikam, kaba lah ban kynthup ïa ka jinghikai, ka jinglum pisa, bad ka jingïatreilang ha ka jingpynphriang khubor na ka bynta ki kam lehnoh. Ki tnad wad bniah jong ka ri India ki dang buddien bha ia ki jingjia bad ki dang bishar bniah ia ki jingktah ia ka jingshngain jong ka ri India.
Ka jingmih jong ki video bad ki jingkren, ki nongpeit bniah ki la ong, ka kdew sha ka jingïatreilang hapdeng ka Hamas bad ka Lashkar-e-Taiba, kaba pyni ïa ka jingkylla kaba jynjar ha ka pyrthei bad kaba pynmih ïa ka jingsngewkhia halor ka jingïatreilang ha ki thaiñ ha ka lawei hapdeng ki kynhun lehnoh.
