Shillong, K’Lyngkot 30
Ki pulit ka Sadar PS hapoh ka jingïalam u SI Arkwis Iawphniaw ha ka sngi Thohdieng, ki la kem noh ïa ar ngut ki briew kiba la rung sha ka dukan M/s AK Enterprises ha Glorys Plaza, ha kaba ki la tuh ïa kawei ka mobile phone Samsung Galaxy S23 Ultra.
Kane ka jingtuh jong kitei ki briew ka la saphriang ha ki rynsan social media lyngba ka jingïoh ban ringdur da ka kor CCTV.
Ki pulit ka Sadar PS ki la ïohpdiang ïa ka ejahar ha ka 29 u Kyllalyngkot 2026, da kaba pyntip ba ki ar ngut ki la tuh ïa kawei ka mobile phone Samsung Galaxy S23 Ultra bad ïa kane ka kam tuh la ïoh ring lyngba ka kor CCTV.
Kine ki arngut ki briew kiba donkti ki kynthup u Bracely Suna bad u Underson Sumer bad la pyntip ba ïa kine ki arngut la ïoh kem na Mukhla West Jaiñtia Hills.
Ka jingtohkit ka dang ïaid shakhmat ban pynthikna la ki donkti ne em ha kiwei pat ki kam tuh kam thiem.
