San Francisco, K’lyngkot:
Uwei u heh barim jong ka Google, u Linwei Ding, u la shah pynngat kyndon ha ka ïingbishar jong ka San Francisco ha ka Sngi Palei, hadien ba la lap ia ka jingleh tuh jong u ban pyndonkam da ki buit jingstad ‘AI’ haba iadei bad ki rukom khaïi- pateng jong kawei ka kompeni khaïi ba heh jong ka US bad ban ai jingmyntoi ia ki 2 tylli kiwei pat ki kompeni jong ka China kaba u ju iatreilang bad phah jingtip sop-sop.
U Ding, u dei u nongshong shnong ka China bad u la don 38 snem ka rta, la lap ia katei ka jingleh thok jong u hadien 11 sngi ki jingtynjuh bad jingtohkit ba bniah halor ki 7 tylli ki kyndon pynkheiñ aiñ ba la pynngat pyrshah ia u, haba iadei bad ka jingtuh ia kitei ki buit khaïi jong katei ka kompeni ba heh jong ka US, ha kaba u la sam pat ia kitei ki jingtip kiba u la ioh lum, sha kitei ki kompeni khaïi jong ka China.
Kawei pa kawei ka jingshah kynnoh wad bniah ha ka liang ka ioh ka kot ka lah ban shah set phatok haduh 15 snem bad ka kuna kaba $5 million, katba kawei pa kawei ka jingshah kynnoh ba buhrieh ia ka khaii pateng ka lah ban shah set phatok haduh 10 snem bad ka kuna kaba $250,000.
Lah ban kdew hangne ba u Ding u la buh ban mih ha kawei ka status conference ha ka 3 tarik u Rymphang.
U nongiasaid ain jong u Ding, uba la tip ruh kum u Leon Ding, um shym la jubab mardor halor ka jingkyrpad ban ai jingmut.
U Ding u la shah pynngat ha u Lber 2024 ha ki saw tylli ki jingkynnoh tuh ia ki jingtip ba rieh jong ka khaii pateng. Ka jingpynngat mukotduma kaba la bujli ha u bnai February ka la pynheh ia ka jingshah kynnoh.
Ia ka mukotduma jong u Ding la pyniadei lyngba ka kynhun ialeh pyrshah jong ki tnad treikam bapher bapher, kaba la thaw ha u snem 2023 da ka sorkar Biden.
Ki nongmudui ki la ong ba u Ding u la tuh ïa ki jingtip shaphang ki jingtei jong ki kor ki bor bad ki kor ki bor kiba ailad ïa ki jaka buh jingtip jong ka Google ban hikai ïa ki model AI kiba heh.
Katto katne na ki blueprint jong ki chip ba la kynnoh ba la shah tuh ki dei kiba la thmu ban ai bor ïa ka Google, kaba long trai da ka Alphabet, halor ki nongïalehkai cloud computing, ka Amazon.com bad ka Microsoft, kiba shna ïa la ka jong ka jong ka jingshna bad ban pynduna ïa ka jingshaniah jong ka Google ha ki chip na ka Nvidia.
Ki nongmudui ki la ong ba u Ding u la rung sha ka Google ha u Jymmang 2019 bad sdang ïa ki kam tuh jong u hadien lai snem, ha ka por ba u dang shah pynngat ha ka jingbishar ban rung sha kawei ka kompeni teknoloji jong ka China kaba dang sdang.
Ka Google kam shym la shah pynngat bad ka la ong ba ka la iatreilang bad ki bor jong ka ain. Ka kompeni kam shym la jubab mardor halor ka jingkylli ban ioh jingtip.
