Shillong, K’Lyngkot 30
U Symbud Myntri Rangbah ka Jylla ba khmih ïa ka tnad Transport, Bah Sniawbhalang Dhar u la pynbna ba la dep ban khot ‘tender’ na ka bynta ban shna ïa ki ‘Helipad’ ha Tura bad Shillong.
“La dep ban khot ïa ki ‘tender’ na ka bynta ka Tura bad ka Shillong bad ngam pat tikna la ïa ka kam la dep ban ai ne em, hynrei ka dang don hapoh ka jingpynkhreh,” la ong u Bah Dhar.
Haba phai sha ka jingshim jaka, u Bah Dhar u la pynpaw ba kam don jingeh eiei haba ïadei bad kane ka bynta.
Haba kylli shaphang ka jingpynïar ïa ka jingshakri jong ki ‘Helicopter’ sha kiwei pat ki bynta jong ka Jylla, u la ong, “Ka Ministry of Transport ka la ong ïa ngi ba ngin leh shuwa ha kine ki ar tylli ki jaka bad hadien kata, ngin pyrshang ban leh lehse ha kiwei pat ki ‘District Headquarter’ hynrei ym dei mardor hynrei suki-suki ngin pynïar ïa ka jingshakri sha ki ‘District Headquarter’ bapher-bapher namarba ngi donkam ruh ïa ki.”
