Shillong, Rymphang 01
Ka Langsning FC ka la pynliem haduh 11-0 kol ïa ka New Challenger SC bad ka Nongthymmai Nongkynrih SC ka la jop da 10-1 kol ïa ka Diengpasoh SC ha ka lympung ïalehkai SSA U-14 Football League 2025-26 kaba la long ha ka sngi Saitjaiñ.
Ha katei ka jingïakhun kaba la long ha SSA Stadium Polo, ki khynnah ïalehkai ka Langsning ki la lah ban ïalehkai bha naduh kaba sdang ha kaba u S.Dkhar (10 & 26), D.L Nongbri (17 & 19), D.Syiem (29 & 35) bad u K.L Lyngkhoi (40 & 48) ki la thep mar ar kol, katba ïa ki shi kol la thep da u E.Mynsong (5), N.Mukhim (20) bad u M. Nongrum Skhembill (58).
Kumjuh ha kawei pat ka jingïakhun ki khynnah ka Nongthymmai Nongkyn-rih ki la lah ban pynpaw ïa ka jingtbit ha kaba u H.Kurbah (9 & 37), W.Nongbri (21 & 29) bad u A.Nongrum (24 & 32) ki la thep mar ar kol, katba ïa ki shi kol la thep da u C. Kurbah (28), M.Kurbah (45), H. Warjri (55) bad u H. Ksing (57). Na ka liang ka Diengpasoh ka la pynphai kylla shi kol lyngba u M. Nongpluid (39).
Ha kawei ka jingïakhun ka Laitkyr-hong SC ka la shah rem noh da 1-4 kol ha ka Summit Academy. Ïa kine la thep da u T. Marshangbai (31), R.Syiem (34), D.Kharbani (53) bad u B.Syngkli- (58). Katba na ka liang ka Laitkyrhong ka la pynphai shikol da u D.Nongkynrih (54)
Ka Umphyrnai SC ka la pynjem khnap ïa ka Nongrah SC da 5-0 kol. U B.Kharkongor u la thep ar kol ha ka minit kaba 24 & 36. Katba ia kiwei pat la thep da u W.Lyndep (9), R.Dkhar (31) bad u N.Wankhar (49).
Ka Mawlai SC ka la shah rem noh da 1-2 kol ha ka Pynthorbah SC. Ïa kine la thep da u J.Hoojon ha ka minit kaba 25 bad u L.Nongspung (53), katba ka Mawlai ka la pynphai kylla shi kol da u A.Myrthong (28) hashwa ba kan mad ïa ka jingshah rem.
Haba phai sha kawei pat ka jingïakhun hapdeng ka Sohïong SC bad ka Nongthymmai SC ki la ïasam mar shi poiñ hadien ba ki la ïakhaid mar 1-1 kol. Ka Sohïong ka la pynkhih jar nyngkong lynba u L.Malngiang ha ka minit kaba 38, hyneri ka Nongthymmai ka la pynphai kylla lyngba u D.R Nongkhlaw (42).
