Shillong, Rymphang 01
Ka Umkaber SC bad ka Nongmadan SC ki la jam sha ka final ha ka kyrdan ïalehkai First Bad Second Division Football Tourna-ment 2026 ba la pynïaid da ka Tyrsad Area Sports Association.
Ha ka jingïakhun semi final jong ka First Division kaba la long ha ka 30 tarik u Kyllalyng-kot, ka Umkaber ka la pynliem ïa ka Maw-dngong SC da 2-1 kol.
Ha kane ka jingïa-khun, ka Umkaber ka la pynkhih jar nyngkong lyngba u Mewan Pyn-tngen Kharbteng ha ka minit kaba 24. Hadien san minit ka Mawdngong ka la pynïakhaid kylla lyngba u Bitdor Kharshiing. Hadien shiteng kynta ka Umkaber ka la thep biang sa shi kol lyngba u Alfred Kharbteng ha ka minit kaba 39 na ka bynta ban khur syndon ïa ka jingjop.
Haba phai sha ka semi final jong ka Second Division, ka Nongmadan SC ka la jop da 3-0 kol ïa ka Pomsanngut SC. Ïa kine la thep da u Jestin mukhim ha ka minit kaba 24, kumjuh u Wellmanstar Rani (62) bad u Diphas Nongbet (69).
Kiwei pat ki jingïa-khun semi final kin long ha ka sngi Ba-ar. Ha ka Third Division ka Young boys Sc kan ïakhun pyrshah ïa ka Niamsang SC ha ka por 10:30 mynstep, kumjuh ha ka Second Division ka Mawsawrit kan ïakynduh pyrshah ïa ka Pyndenumbri ha ka por 12 baje mynsngi bad ka First Division ka Mawkynroh ïa ka Mawlum Tyrsad ha ka por 2 baje nohphai sngi.
Ki kynhun ki ban khur jingjop kin ïoh rung sha ka final kaba la buh ban long ha ka 7 tarik.
