Shillong, Rymphang 02
Ka kynhun ïalehkai Jujitsu ka Jylla hapoh ka lama jong ka Meghalaya School of Martial Arts (MSMA) ka la khur 33 tylli ki takma ha ka jingleit shim bynta ha ka 1st Northeast Jujitsu Championship 2026 kaba la long ha Maligoan Stadium, Guwahati naduh 31 tarik u Kyllalyngkot haduh 1 tarik u Rymphang 2026.
Kine ki kynthup ïa 10 tylli ki takma ksiar, 12 ki rupa lem bad 11 tylli ki takma rnong ba ki la khur ha ka kyrdan ïalehkai Newaza, Fighting System bad ka Contact Fighting. Te kumta ka Meghalaya ka la shu duna tang khyndiat poiñ ban poi sha ka thong bad ka la wan ha ka kyrdan basaw.
Ha katei ka lympung ïalehkai ba la pynïaid da ka Northeast Jujitsu Association bad Assam Jujitsu Association, ka Meghalaya ka la phah kumba 22 ngut ki nongïalehkai.
Ïa ka nam lahduh la rah da ka Assam ha kaba la bud sa ka Arunachal bad balai ka Manipur.
