Shillong, Rymphang 02
Yn pynlong ïa ki jingpyrshang (trials) ha nongbah Shillong na ka bynta ka AIFF-FIFA Academy ha kaba kut mynta u bnai bad kane ka long na ka bynta ki khynnah shynrang bad kynthei ka Jylla kiba hapoh ka rta ba la buh.
Ïa kane ka jingpyrshang yn pynlong ha madan ïalehkai jong ka MFA ha Polo ha kaba yn ithuh ïa ki khynnah ïalehkai kiba don ïa ki sap ba kyrpang bad kane ka long shi bynta jong ka ‘Elite Youth Development Pathway’ jong ka ri India.
Ki khynnah kynthei ki dei ban long kiba la kha ha u snem 2011 lane 2012 bad ki khynnah shynrang ki dei ban long kiba la kha ha u snem 2012 lane 2013.
Ka jingpyrshang na ka bynta ki khynnah shynrang kiba la kha ha u 2012 yn pynlong ha ka 18 tarik mynta u bnai. Ha ka 19 tarik ïa ki khynnah shynrang kiba la kha ha u 2013, katba ha ka 20 tarik yn pynlong ïa ki khynnah kynthei kiba la kha ha u 2011 bad 2012.
Ban kham pynsuk ïa ki nongpynïaid bad ba kan long kaba ïaid beit iaid ryntih ïa ki jingpyrshang, la kyntu ïa ki coach bad ki nongïalehkai ban pyndap ïa ki form pynrung kyrteng lyngba ka https://forms.gle/C5oLSAV8unP5i1LG9.
