Shillong, Rymphang 02
Ki runar bym lah ban ithuh ki la ïoh ban rong tuh ïa ki waiar na phyllaw jong ka Assembly kaba don ha Khyndailad, Shillong.
Katkum ka khubor na ki pulit la ong ba u Dy. Marshal jong ka Meghalaya Legislative Assembly u la ai ka jingujor ba ha ka 29 tarik jong u bnai ba la lah, ha ka por kumba 5.42 eiei dang step, uwei u runar bym lah ban ithuh, u la tuh ïa ki waiar bording na phyllaw jong ka Assembly. La ong ba ïa kane ka kam runar baroh la lah ban ïoh ring ha ka kor CCTV kaba la pyndait.
