Shillong, Rymphang 02
Ka kynhun ki ‘thei ïalehkai U-17 ka India ka la mad ïa ka jingshah rem noh ha ka Bangladesh da 2-0 kol ha ka SAFF U-19 Women’s Championship 2026 kaba la long ha ka lah sngi U Blei ha Pokhara Rangasala Stadium kaba ha Pokhara, Nepal.
Kane ka jingshah rem ka India ka la wan lyngba ki ar kol ba la thep da ka Arpita Biswas ha ka minit kaba 29 bad ka Alpi Akter ha ka minit ba 40.
Ka Alisha Lyngdoh ka la long tang marwei na ka jylla Meghalaya ban mihkhmat sha katei ka lympung bad ha kane ka jingïakhun ka la ïoh ban mih madan hashwa ban wai (88) ha kaba ka la ïoh ban mih bujli ha ka jaka ka Taniya Devi Tonambam.
Ka jingpynmih ka India da ka kynhun ïalehkai U-17 ha kane ka lympung ïalehkai SAFF U19 Women’s Championship, ka dei na ka daw ka jingpynkhreh na ka bynta ka AFC U17 Women’s Asian Cup. Te kumta ha ka jingïalehkai kaba nyngkong ka la jop da 1-0 kol ïa ka Nepal.
Te kumta ka India kan ïakynduh pyrshah ïa ka Bhutan ha ka 4 tarik ha ka por 11:45 mynsngi. La ong ba ki ar tylli ki kynhun ki ban wan kham shakhmat kin ïoh rung sha ka final.
